ابتدت فيك البداية ......... وانتهت فيك النهاية

بأعترفلك إعتراف..
وبصمتي تشهد عليه ..
إعتراف يحكي حقيقه ..
ولا يكون الرد ليه ..
أنا احبك إيه احبك ..
وشوف قلبي وأسأله ..
وفوق حبي لك مشاعر ..
تنطق بشوف الوجيه ..
كل ما شفتك حبيبي ..
قال قلبي ابيه ..!!
هذا هو إللي احبه ..
وأعشقه وامووت فيه ..
هذا هو إللي هزمني ..
وخلا اشواقي تجيه ..
هذا هو إللي هويته ..
ليتني لا اشتقت اجيه ..
بأعترفلك وذا إعترافي ....!!
إن قلبي لك وافي ..
وإنك اغلى من يكون ..
وإن حبي لك مو كافي ..
وإن شوفك للجروح ..
طبها إللي كان شافي ..
يابعد حاظر وغايب ..
ياسبب إبداع قافي ..
إنت يابسمة شفاتي ..
حبي إللي جاك صافي ..
صرت صوره في عيوني ..
انظرك لو كنت غافي ..
نوري الظاوي اشوفه ..
فيك يوم النور طافي ..
وعشقي اللي ماحكيته ..
جاك واضح وجاك خافي ..
بردي لاحرك غصوني ..
في حماك يصير دافي ..
كيف اعبر وكيف اقول ...!!
وإنت حلي والحلول ..
كل كلمه قلتها ..
ماتجي ربع الميول ..
لأني احمل لك غرام ..
يبهر أصناف العقول ..
ما يترجم بالكلام ..
ولا يترجم بالشمول ..
حب ماهو حب عادي ..
ولا هو مجرد فضل ..
حب ماعمره يموت ..
بالامل عمره يطول ..
حب يملك حس صادق ..
عيبه بس إنه خجول ..
ماقدر يظهر حنينه ..
ولا قدر يخفي ونينه ..
عنده أشعار واغاني ..
وصارت اشواقه سجينه ..
وإن حكى تصمت حروفه ..
وإن سكت يحكي أنينه ..
عنده أسرار وموده ..
باقيه لأخر سنينه..
وعنده للحب معنى ..
يعتلي قمة جبينه ..
كيف أعبر عن مداك ..
وكيف أوضح لك غلاك ..
قلي ارجوك بعباره ..
فيها اصل مستواك ..
كلمه قبلي ماحكوها ..
لك ماهيب لسواك ..
تشفي لاجتك المواجع ..
وتصبح النور لسماك ..
ودي ابعثها بليل ..
ولا تنام إلا معاك ..
أو تجي وقت النهار ..
وتصبح الضيف لمساك ..
أو تنطقها شفاهي ..
ولجروحك هي دواك ..
تخبرك عني وعن ..
قلبي إللي فيك جن ..
وعن محطات الزمن ..
لين تقنعك بشعري ..
إللي ماعمره وهن ..
دايم في سيرتك يسرح ..
لين حبك صار فن ..
حطم أرقام المحبه ..
وانتهك حد الامن ..
أعشقك عشق الصراحه ..
وعشقي أرسل لك رماحه ..
اكبر من إنك تخيل ..
او تقيسه في مساحه ..
يعجز التعبير يكتب ..
مهما كانت له فصاحه ..
عن وجودك في حياتي ..
وإني اشعر بإرتياحه ..
وإنك الحب الحقيقي ..
إللي غطاني بوشاحه ..
وإن بغيت أكثر أزيدك ..
إني نبضه في وريدك ..
وإني استلهم وجدي ..
لادفت إيدي بإيدك ..
وإني أحزن لافقدتك ..
والفرح عيده بعيدك ..
ما أذكر إني قد نسيتك ..
وأذكر إني بس اريدك ..
وكانها الدنيا قديمه ..
أنا بالدنيا جديدك ..
أنا ياقلبي وجودك ..
كان ضاقت بك حدودك ..
وإن تبي الضحكه تراني ..
بسمه تسعد خدودك ..
لا تضايق اوتكدر ..
دامني أغلى وفودك ..
وكان ظني فيك خاطي ..
بترك الدنيا واسافر ..
لأني بدونك مجرد ..
جسم من حبه تجرد ..
مايحب إلا الخيال ..
إللي في حبك تحدد ..
إنت ياحلمي الجميل ..
غيم ماعمره تبدد ..
المطر نظرة عيونك .
والعطا منك يتجدد ..
ما خلق مخلوق غيرك ..
أنا لرضاه اتودد ..
قلت أحبك واعترفت ..
قلتها وإنت اقتنعت ..
قلتها بصوت الكتابه ..
وصوتي الصادق حبست ..
قلتها وكلي وضوح .
لك ولغيرك أعتذرت ..
لو زعل ماهمني ..
دامني على حبك حصلت ..
في مسافاتك مشيت ..
وأخر الرحله وصلت ..
وجيت وأنفاسي تقول ..
أنا احبك لو زعلت ..
هذي هي كل الحكايه ..
او سميها الروايه ..
أبتدت منك البدايه ..
وانتهت فيك النهايه ..

ودمــــــ لمـــــ تحبون ـــــن ــــــــــــتم ..:wellcom::wellcom::wellcom:

كلمات كتبتها واتمني تنال اعجابكم

مشكووووووورررر اخوي الحارثي على الشعر الرائع

يعطيك العافيه حسحس

لاعدمناك اخوي تقبل مروري

مشكووور اخوي حسحس يعطيك الف الف عافيه